Նոր մոտեցում ճանապարհային անվտանգությանը` Լոռու մարզի Գյուլագարակ գյուղ

Համաշխարհային բանկի Կենսական նշանակություն ունեցող ճանապարհների բարելավման ծրագրի (ԿՆՃԲ Ծրագիր) շրջանակներում բարելավված և վերանորոգված ճանապարհները, իրենց բոլոր դրական հատկանիշներով հանդերձ, որոշ առումներով "գայթակղում են" կարգազանց վարորդներին երթևեկել վտանգավոր արագությամբ` անտեսելով արագությունը սահմանափակող ճանապարհային նշանները: Այդ վտանգը հատկապես սպառնում է գյուղական այն հատվածներին, ուր ճանապարհն անցնում է դպրոցի կամ հասարակական նշանակություն ունեցող այլ վայրերի մոտով:Նախատեսված էր իրականացնել “Անվտանգ գյուղեր” փորձնական նախագիծ` փոքր քաղաքների և գյուղերի հետիոտների անվտանգության ապահովման նպատակով, որըբ և կյանքի կոչվեց ՀՀ ճանապարհային երթևեկության անվտանգության ազգային խորհրդի, ՀՀ տրանսպորտի և կապի նախարարության և "Տրանսպորտի ԾԻԳ" պետական հիմնարկի համատեղ ուժերով: Ճանապարհային երթևեկության անվտանգության աուդիտի խորհրդատու Ֆիլիպ Ջորդանի (Ավստրալիա) մասնակցությամբ ուսումնասիրվեցին ճանապարհահատված-ները և փորձնական նախագծի համար ընտրվեց Լոռու մարզի Գյուլագարակ գյուղի դպրոցի (250 աշակերտ) մոտով անցնող ճանապարհահատվածը:
Ճանապարհը վերականգնվել էր` ըստ ՀՀ ճանապարհային ոստիկանության կողմից հաստատված նախագծի` հաշվի առնելով ՀՀ-ում գործող նորմերն և պահանջները: Բնակավայրում արագությունը սահմանափակող նշաններով սահմանված արագությունը 60 կմ/ժ է, սակայն իրականում այն հասնում է 80 կմ/ժ: Գյուղում փողոցային լուսավորությունը բացակայում էր,  ճանապարհածածկը և նշագծումը մշտապես կեղտոտվում էին: Դպրոցի գլխավոր մուտքի մոտ կար հետիոտնային անցում, բայց այն գտնվում էր ոչ հարմար տեղում:
Ելնելով միջազգային փորձից` անհրաժեշտ եղավ իրակա-նացնել ճանապարհային երթևեկության անվտանգության ապահովման լրացուցիչ` ՀՀ-ում գործող նորմերով և պահանջներով չնախատեսված միջոցառումներ, մասնավորա-պես` թույլատրելի արագությունը մինչև 40 կմ/ժ իջեցնելու նպատակով տեղադրվեցին արագությունը սահմանափակող լրացուցիչ նշաններ, ինչպես նաև դպրոցից դեպի ներքև և վերև տանող ճանապարհահատվածում կառուցվեցին երկու ՙարհեստական անհարթություններ` (лежачий полицейский), երեք լրացուցիչ հետիոտնային անցումներ, համապատասխան նշագծումով գրվեց “ԴՊՐՈՑ” բառը, արգելվեց վազանցքը և այլն:
Ներկայումս շինարարական աշխատանքների փուլն ավարտին է հասցվել, և իրականացվում են այլ միջոցառումներ, ուղղված հանրային իրազեկմանը և ճանապարհային երթևեկության անվտանգության ուսուցանմանը դպրոցում:

լուսանկարներ