Ճանապարհային անվտանգությունը` տարվա հաջողություն

2010 թվականի ընթացքում գրանցված ձեռքբերումների և բացթողումների շարքում իբրև հաջողություն գրանցվեց Հայաստանի ճանապարհների անվտանգության իրավիճակը:
Դեկտեմբերի 22-ին ՀՀ ՃԵԱԱԽ քարտուղարության պետ Պողոս Շահինյանը “Կենտրոն” հեռուստաընկերության “Ուրվագիծ” հաղորդման հյուրն էր, զրույցի թեման` 2010 թվականի արդյունքների ամփոփումը: Հաղորդման ընթացքում քննարկվեցին ճանապարհային անվտանգության հասկացողությանմեջ մտնող տարբեր հարցեր` ճանապարհների աուդիտ` առկա իրավիճակի և նոր կառուցվող ճանապարհների` անվտանգության համար անհրաժեշտ նորմերի պահպանում (լուսանշաններ, անցումներ, արհեստական խոչընդոտներ, ճանապարհի որակ), ներկայացվեցին վիճակագրական տվյալներ` ճանապարհա-տրանսպորտային պատահարների, տուժածների և զոհերի թվի նվազման վերաբերյալ, համեմատական անցկացվեց այլ երկրների տվյալների հետ:
Իբրև նվաճում ներկայացվեց նաև Հայաստանին տրված գնահատականները միջազգային հեղինակավոր կառույցների կողմից` Համաշխարհային ճանապարհային անվտանգության հանձնաժողովը Հայաստանի ձեռքբերումները ճանաչել է օրինակելի,  ինչպես նաև Հայաստանը արժանացել է Կենտի արքայազն Մայքլի Ճանապարհային անվտանգության 2010թ. միջազգային մրցանակին:
Խոսվեց արդիական այլ հարցերի մասին` Նոր տարվա նախաշեմին վեր հանվեց մեկ բաժակ ալկոհոլ օգտագործել և մեքենա վարելու հարցը, քաղաքում առկա շինարարական աշխատանքների թերի իրավիճակը և այլն:

դիտել