ՀՀ Ճանապարհային երթևեկության անվտանգության ազգային խորհուրդը ստեղծվել է 2010թ. մարտի 30-ին` ՀՀ վարչապետի 30.03.2010թ. 211-Ա որոշման համաձայն:

ՀՀ վարչապետը հանդես է գալիս որպես խորհրդի նախագահ և դրա կազմում ընդգրկված են ճանապարհային երթևեկության անվտանգության հետ առնչվող պետական կառավարման մարմինների և հասարակական կազմակերպությունների ղեկավարները, ինչպես նաև Երևանի քաղաքապետը (համաձայնությամբ): Խորհրդի գործառույթն է ռազմավարական բնույթի հարցերի վարումը` տարեկան բյուջեի հաստատում, ռազմավարական նպատակների և ռազմավարության ընդհանուր ընթացքի և Գործողությունների Պլանի վերանայում: